TACLOBAN CITY—Malipayon nga ginpaangbit han Department of Education Eastern Visayas, nga nagin mahimyang ngan waray dako nga aberya nga natabo han nakalabay nga election.
Sumala kan Jasmin Francisco Calzita,Information Officer, DEPED Regional Office Vlll, mayda hira na-encounter nga problema sugad hiton malfunction hiton Automated Counting Machine (ACMs) pero dayon naman ine nga natagan hin aksyon agud nga magparupadayon ngan magin hapsay an panbotos hiton mga botante.
Dugang pa hine, dire naman mawawara an mga isyu parti hiton dire pagkaka-intindihay han mga electoral board, ha butnga hiton mga poll watchers pero dayon gihapon an mga ine nga nareresolba.
Ha lain nga bahin, waray pa hira nakukuha nga report nga naipanhatag na ha mga magturotdo an ira mga honorarium kumo bayad ha ira nagin serbisyo han kahuhuman la nga piniliay.
Nagpasalamat naman ine ha tanan nga mga nag-volunteer nga mga magturotdo, ngan an mga non-teaching personnel ha ira nagin sakripisyo nga gin-paangbit agud nga magkamayda hin malinampuson nga 2025 Midterm Election.
