TACLOBAN CITY – Padayon nga ginmomonitor han DepEd Eastern Samar, an kaso han Hand Foot and Mouth Disease pinaagi han pakikipag koordinasyon han mga RHU han kada Barangay agud nga dire na magsarang pa an nasabi nga sakit.
Sumala kan Abner Aclao, Division Informationa Officer han DepEd Eastern Samar, nga nakikipagsumpayan gihapon hira ha mga kag-anak nga pananglitan makitaan hin mga sintomas an ira mga anak in dire la anay an mga ine pasudlon ha ekswelahan agud nga dire na makapanapon pa.
Dugang pa hine nga han nakalabay nga Semana Santa, in naghatag hin bandilyo an magturotdo ha mga kag-anak nga sundon an ginpapatuman nga mga aludayday agud nga mapugngan an pagsarang han nasabi nga virus.
Nananawagan naman ine ha publiko, partikilar na ha mga kag-anak han mga estudyante nga obserbaran an ira mga anak kun mayda an mga ine gin-aabat nga sintomas, ngan dayon nga makipagsumpayan ha mga School Nurses ngan sugadman ha mga magturotdo ngan Rural Health Unit han ira barangay agud nga tagan dayon hin kaangayan nga aksyon.
