TACLOBAN CITY– Padayon an ginhihimo nga pangandaman han Eastern Samar DepEd Division, para ha Eastern Visayas Regional Athletic Association EVRAA Meet 2025.
Sumala kan Eastern Samar DepEd Division, Head Information Officer, Abner Aclao, ginlalauman nira nga maabot ha 130 nga mga atleta an mapakadto ha Dolores ngan Can-avid nga venue para hiton nasabi nga paisan-isan.
Ine in ha sulod han 13 nga deligasyon nga maabot ha Pebrero 16-19, agud nga makag preparar pa an mga ine.
Ginpaangbit pa hine nga ira ginlalauman an ada ha 2,800 nga mga indibidwal kalakip na dinhi adton mga coaches, ngan mga tinaglawas han kada dibsiyon.
Dugang pa hine, maabot naman ha 213 nga mga division an bulig ha pagdudumaraon nga prestihiyuso nga mulay yana nga tuig.
Ha lain nga bahin, magtitikang an nasabi nga paisan-isan ha Pebrero 20-23.
Mababaruan, nga maabot 7 nga mulay an pagdudumaraon ha Eastern Samar Divison, an mga ine asya iton; Sipak Takraw, Boxing, Billiard, Baseball, Table Tennis, Futsal, ngan Softball.
Mahagos naman hin 4 ka-adlaw an igdudugay han nasabi nga mga paisan-isan.
Ginmalatumat pa ni Abner, nga ha Eastern Samar Division pagdudumaraon an Opening Ceremoy, samtang ha Tacloban City naman an Clossing Ceremony han EVRAA Meet 2025.
