TACLOBAN C ITY– Padayon an ginhihimo nga assistment ngan monitoring han mga tinaglawas hiton Department of Education (DepEd 8), ha mga ekslwehaan nga apektado han bagyong Tino ha bug-os nga Sinirangan Bisayas.
Sumala kan Jasmin Francisco Calzita, Information Officer DEPED Regional Office Vlll, mayda mga eskwelahan an nadarahigan ngan kadam-an ha mga ine in on-going pa an clearing operation.
Dugang pa hine, usa gihapon ha mga rason kun mayda mga eskwelahan nga waray pa makag face to face classes in matungod nga gingamit an mga ine kumo evacuation center, ngan presente pa nga ginlilimpyuhan.
Nagsuhestyon naman ine nga pananglitan naman nga waray pa makagtikang han face to face classes matungod on going pa an clearing operation, mas makakaupay nga magpatuman la anay hin online classes agud nga dire mabayaan an mga estudyante han ira mga klase.
Aminado hi Calzita, nga mayada gihapon mga apektado nga mga learning materials, kalakip na an mga computer, ngan iba pa nga mga higamit ha sulod han classrooms.
Samtang, ginpatapod naman hine, nga mayda naka-alutaga nga pondo an DepEd, nga pwede gamiton kumo paghingyad ngan maibalik an kahusay han kada eskwelahan.
Ginmalatumat pa hine nga naka depende naman ha kada eskwelahan kun magpapatuman an mga ine hin make up classes ha ira mga estudyante, agud ngan makalanat an mga ine ha ira leksyon nga nabayaan ha panahon nga maraot an panahon.
