-- Advertisements --
TACLOBAN CITY – Nanawagan an Department of Education (DEPED) Regional Office 8 ha mga kag-anak nga humabol yana nga adlaw ha pagpa-early register han ira mga anak nga makindergarten, grade 1, 7 ngan 11.
Una hini, ha talaan han DEPED, kutob nala buwas nga adlaw Abril 30 an early registration para han mga incoming learners para ha school year 2022-2023.
Sumala kan Jasmin Francisco Calzita, tagapagyakan han DEPED Regional Office 8, ha pagkayana in maabot na ha 185, 695 an registered learners para ha kindergarten, grade 1, 7 ngan 11.
An mao nga ihap 99.98% ha ira target nga early registers yana nga tuig ngan ginlalauman nga madudugngan pa ini kutob buwas nga adlaw.
