TACLOBAN CITY – Ginpahibaro han buhatan hiton Department of Education DepEd Regional Office 8, nga ginpaghimangrawan na nira an mga pitad nga bubuhaton han kada eskwelahan pananglitan magkamayda hin malain an panahon, partikular na yana nga nakaka-abat hin duro kapaso durot han El Niño.
Sumala kan Jasmine Francisco Clazita, Information Officer han Department of Education DepEd 8, nga hine la nga semana natikangan na nira igplastar an mga pitad para ha nagtitika grabe nga kapaso nga na eexperyensyahan, matungod nga posible ine maka durot hin dire maupay ha mga estudyante.
Dugang pa han mao nga opisyal, madepende la mga magturotdo an magigin desisyon matungod nga ine mangud an personal nga kaupod han mga estudyante ha classroom, ngan nakaka abat kun mapaso kaduro an panahon.
Gintagan naman hin duon ni Calzita, nga pananglitan humitaas kaduro an kapaso hiton temperatura in pwede nga magpatuman hin modular learning an usa nga eskwelahan ha mga estudyante, kun diin ine an usa nga pitad nga gin papatuman ha mga estudyante ha oras nga mayda maraot nga panahon.
