-- Advertisements --
TACLOBAN CITY– Ginpahayag han buhatan han Tacloban City Division, nga bawal magkamay-ada hin collection fees an mga estudyante kaparte han pagbubuhaton nga graduation ngan moving-up ceremony.
Sumala kan Dr. Nilo Eder Information Officer han Tacloban City Division, ine in subay han provisions han DepEd Order. 9 series of 2023, kun diin an igin-didiscourage an sobra ngan mahal nga paggastos para han moving-up ngan graduation ceremonies.
Dire gihapon gin-rerequire an mga mahal nga mga attire o magarbo, para han mga estudyante ngan teachers.
Gin-aaghat naman hiton buhatan han DepEd-8, nga pwede man magin simple la ngan solemn ceremonies iton pagbuhaton kun diin dire gud makakagasto itun mga kag-anak.
