BASAHA | Nakikigbinuliagy an Department of Economy, Planning, and Development (DEPDev) VIII, ha United Nations Economic and Social Commission for Asia and the Pacific (UN-ESCAP), kun diin nagdumara hin Stakeholders’ Consultation Workshop ha Sustainable Energy Transition (SET) Roadmap para ha Eastern Visayas han nakalabay nga ika-20 han Enero 2026 ha Felipina Hall, DEPDev VIII, Palo, Leyte.
Nagmarka an aktibidad nga dako nga pitad pakadto ha pagsasapinal han pagbug-os hiton patakaran ha bug-os nga rehiyon nga magiya ha pagbalhin han Eastern Visayas pakadto ha usa nga sustainable, resilient, ngan inclusive nga sistema han enerhiya, nga nauyon ha Sustainable Development Goal 7 ngan mga patapod ha kasarabutan han Paris ngan Pilipinas.
Gintagan duon ni RDC VIII Vice-Chairperson and DEPDev VIII Regional Director Meylene C. Rosales an konsultasyon kumo importante nga paghihimangraw ha patakaran ngan nanawagan ine ha mga stakeholder nga pamatud-an ngan igpakita an mga lokal nga kamatuoran ngan dagmit nga naaksyunan an mga ine sugadman in nasusulosyunan.
An nasabi nga konsultasyon in gin-atinderan han mga tinaglawas tikang ha pangunahon nga regional line agencies, state universities, provincial governments, electric cooperatives, ngan generation and transmission companies ha rehiyon.
