TACLOBAN CITY – Nagpagawas an Department of Trade and Industry hin mga aludayday nga kinahanglan sundon kasumpay han mga paburothon para ha pagtapo hiton tuig-2024.
Sumala kan Anthea Aivi Borbon-Ancheta, Information Officer hiton Department of Trade and Industry Regional Office VIII, uso manggud yana an nasabi nga mga produkto labi na nga masulod na an bag-o nga tuig kun diin dire malilikayan an pagpalit ngan pagkunsumo han nasabi nga mga produkto.
Ginpagawas an nasabi nga standards agud magin talwas ngan maproteheran an mga kunsumidor nga pumalit han mga sub-standards nga produkto kun diin posible an mga ine nga makagdurot hin kadelikaduhan.
Ngatanan nga mga pabuto nga aprubado han nasabi nga buhatan, in hinimo tanan ha nasud sanglit likayan an pagpalit han mga imported nga pabuto agud makalikay ha disgrasya.
