ENTERTAINMENT – Ginpalagan han award-winning actor nga hi Dennis Trillo an pira nga netizens mahuman mag-komento hin insensitibo nga pahayag kabahin ha siyahan nga anak han iya misis nga hi Jennylyn Mercado.
Ini in may kalabotan ha gin-post han aktres nga video ha social media han nakalabay nga Hunyo 22 kun diin makikit-an nga nagbobonding hira ngan han iya mga anak nga hira Alex Jazz ngan Calix ha usa nga mall.
Hi Jazz, 16 anyos, in anak ni Jennylyn ha iya anay uyab nga hi Patrick Garcia, samtang hi Calix, 17 anyos, in anak ni Dennis ha iya anay partner nga hi Carlene Aguilar.
Ha nasabi nga post ni Jennylyn, mababasahan ha comment section nga mayda pira nga netizena an naghatag hin komento, kun diin an iba in nagpahayag nga baga hin may sakit nga autism an anak ni Jen nga hi Jazz.
Ginbaton naman ini ni Dennis pinaagi han pakiana nga, “May problema po ba kayo sa may autism?” samtang an usa nga netizen in ginbaton han aktor nga “Wow hiyang-hiya naman ako sa pagmumukha mo.”
Kun manunumduman nga na-diagnose hi Jazz nga mayda Autism Spectrum Disorder (ASD), usa nga neurodevelopmental condition nga ka-urugan in nagawas ha timprano nga edad.
Bisan waray ini tambal, mayda naman mga therapy ngan suporta nga makakabulig ha mga apektado nga bata, sugad han anak ni Jennylyn
