-- Advertisements --
TACLOBAN CITY – Ginpahayag han Department of Health (DOH) Regional Office 8 nga may posibilidad nga magdeklara hin dengue outbreak ha Pinabacdao, Samar.
Ini in mahitungod han nahipatik nga paghitaas han kaso hin dengue ha mao nga lugar.
Sumala kan John Paul Roca, tagapagyakan han DOH 8 nga tikang ha ihap nga 47 cases han nakalabay nga duha kasemana in umabot na ha 47 nga dengue cases an nahipatik kun diin pinakadamo hini in tikang ha duha nga barangay han mao nga bungto.
Ha pagkayana in padayon an gindudumara nga dengue activation brigade ha bug-os nga rehiyon.
Nahibaruan nga ha pagkayana, in umabot na ha 4,935 nga kaso hin dengue an nahipatik ha bug-os nga Sinirangan Bisayas.
