TACLOBAN CITY – Nagpapabilin la gihapon nga hitaas iton ihap han kaso han dengue ha bug-os nga rehiyon 8.
Sumala kan Jelyn Lopez-Malibago, Information Officer hiton Department of Health Regional Office 8, as of February 4, ada na ha 421 an ihap han kaso han dengue ha bug-os nga rehiyon ngan mayda naman usa nga ihap han namatay.
Mas hitaas naman daw ine kumpara han ihap han nakalabay nga tuig nga umabot la ha 246 ha kaparehas nga period
Nagtitikang naman ha probinsya han Leyte han nahipatik nga namatay mahitungod han Leyte, samtang natikang naman ha Leyte an pinakadamo nga ihap han kaso ngan ginsundan naman Northern Samar, Samar, Southern Leyte, Eastern Samar, ngan Biliran.
Padayun naman daw an ira panawagan ha publiko nga buhaton an 4S strategy agud malikayan an dengue.
