TACLOBAN CITY- Ginpahibaro hiton Department of Health DOH regional office 8, nga maabot na ha 2,677 nga kaso hiton Dengue an nahipatik han ira buhatan ngan maabot naman 9 dinhe an mga namatay, tikang ha mao nga sakit.
Sumala kan Jelyn Lopez Malibago, Information officer han DOH-8, nga an mao nga ihap ine in nahipatik han ira buhatan yana nga tuig, tikang han bulan hiton Enero kutob yana nga bulan.
Dugang pa han mao nga opisyal, nga nakaka-alarma gad an sugad nga ihap, pero mas hamubo na ine nga ihap kumpara han nakalabay nga 2019 kun diin umabot ha sobra 26,000 an kaso han dengue ngan 75 dinhe an namatay .
Ginmalatumat pa han mao nga opisyal, padayon naman an ira pagpasarang hin mga impormasyon ha publiko pinaagi han magkalain-lain nga mapaagi agud nga igppahinumdom han buhatan nga mag-likay ha mao nga sakit ngan batasanon nga limpyuhan an libong agud nga dire ukyan hiton mga lamok.
