TACLOBAN CITY – Gintikangan na han Tacloban City Government an mga pitad hini para masiguro nga waray na masasalin nga mga balay ngan struktura ha mga danger zones ha syudad labi na gud ha mga coastal barangays.
Sumala kan Boy Naputo, head han Tacloban City Barangay Affairs Office, nagkaada na hira hin meeting ha mga kapitan han 27 nga coastal barangay ha syudad agud nga paghingadayon an bahin han mao nga himangrawon.
Ini in ginmando han alkalde han syudad labi na yana nga natikang na an kat-uran ngan panahon hin bagyo sanglit kinahanglan nga masiguro nga waray na may nag-uukoy nga mga residente ha mga danger zones.
Kasumpay hini in ginpapagsumiter na nira an mga kapitan hin listahan han mga nabibilin ng panimalay ngan istruktura ha ira tagsa tagsa nga coastal barangay.
Ini in agud makag-schedule na hin demoliton han mga ini ha masunod nga semana.
