BAYBAY CITY – Andam na mga delegasyon han Northern Samar para han pagdudumaraon nga Eastern Visayas Regional Athletic Association (EVRAA) Meet 2026 ha Baybay City.
Sumala kan Department of Education-Northen Samar Division School Division Superintendent, Dr. Gaudencio Aljibe Jr., dida pa han Pebrero 24 lumakat tipa-Baybay an mga atleta han ira rehiyon agud makigbisog ha paisan-isan.
Ada naman ha sobra 800 an kabug-usan nga ihap han mga umupod ha Baybay City para ha EVRAA Meet 2026, kun diin kalakip na hini an mga atleta, coaches, ngan iba pa nga kaparte han delegasyon.
Gin malatumat gihapon ni Aljibe nga damo an mga events nga ira ginbubuligan yana sugad han archery, arnis, athletics, badminton, baseball, basketball, chess, billiards, boxing, dance sports, ngan damo pa, kalakip na an para-games.
Dugang pa hini, kumpara han nakalabay nga tuig, in mas maupay an ira preparasyon yana nga tuig, mahitungod nga pagtikang han Pebrero 1 kutob Pebrero 16 in nagkamay-ada na hira hin 16 days school-based concentration training ha ira mga atleta kaupod an ira mga coaches.
