TACLOBAN CITY – Gintawag han usa nga propesor ha University of the Philippines Tacloban College an pagdalagan ni Vice President Sara Duterte ha maabot nga 2028 Eleksyon kumo baga-baga hin usa nga ‘marketing strategy.’
Sumala kan University of the Philippines Tacloban College Political Science Professor, Prof. Ladylyn Magada, usa ini ha mga intensyon han bise presidente agud makabiling hin ‘backer’ o magpo-pondo ha iya pagdalagan ha masunod nga Presidential Election.
Dugang pa hini, posible gihapon nga ini nga pitad in pagtudlok han bise-presidente ha ira magigin agenda ha para piniliay.
Pero ha kaluyo han anunsyo han opisyal, waray ini dako nga epekto ha mga dagko grupo, waray gihapon nabug-os nga mga grupo agud tumipa o sumuporta ha iya, labot nala han usa nga artista nga ‘hayagan’ nga nagpakita han suporta.
Samtang, labot la kan Vice President Sara Duterte in waray pa naman iba nga opisyal o indibidwal nga nagpapahayag hin interes ha pagdalagan hin anuman nga hitaas nga posisyon ha 2028 Eleksyon.
