METRO MANILA – Gintagan-duon han Malakanyang nga an gindeklara nga State of National Energy Emergency ni Presidente Ferdinand Marcos Jr. in klaro nga pamatuod nga dire nagpapabaya an gobyerno ha butnga han tarhog han pankalibutan nga krisis.
Sumala kan PCO Undersec. Claire Castro, an mao nga pitad in ginbuhat agud mabaton ngan mapugngan an pagtikagrabi han sitwasyon ha Pilipinas durot han nagpapadayon nga kasamok ha Middle East.
Gineksplikar han opisyal nga panuyuan han administrasyon nga magin mas komprehensibo ha paglatag hin mga solusyon ugsa pa man kumadto an nasud ha usa nga “dire maupay nga sitwasyon.”
Ha ilarum han deklerasyon, gintagan hin kapas an gobyerno nga padagmiton an pagkuha hin alternatibo nga suplay han lana ngan magpatuman hin mga subsidiya para ha mga apektado nga sektro agud masigurado an seguridad ha enerhiya han nasud kutob mahuman an krisis.
