NATIONAL NEWS– Nagpahayag hin pagkadismaya an kampo ni anay Pangulong Rodrigo Roa Duterte mahuman nga baribaran han International Criminal Court (ICC) an ira hangyo nga magpakita hin kalugaringon ebidensiya medikal.
Subay ha lead counsel nga hi Atty. Nicholas Kaufman, gintalapas han korte an nakahigaraan na nga proseso matungod waray hira katagi hin higayon nga kwestyunon an mga report han eksperto nga ginpili han korte
Manunumduman kakulop nga adlaw, nagpagawas hin desisyon an ICC nga nagsisireng nga “fit to stand trial” hi Duterte subay ha panginano han 3 nga independent medical experts.
An ruling in nag-ugat ha panginanu nga gindumara hadton Disyembre 5, 2025, kun diin ginkokonsidera nga may kapas nga umatinder ha hearing an anay presidente.
Matungod dinhe, gintalaan han ICC an confirmation of charges hearing ha Pebrero 23, 2026 ha The Hague.
An mga kaso nga kaka-atubangon ni Duterte in kasumpay han pagtalapas ha katungod pantawo ha ilarom han iya kampanya kontra illegal nga droga.
Samtang, gindig-unan han depensa nga maghahaon hira hin apela agud nga igduso an katungod ni Duterte ha due process.
Nagtutuo an iya mga abogado nga importante mabati-an an ira kampo agud nga masigurado an patas ngan paghukom ha ICC.
