NATIONAL – Upat nga importante nga punto an ginhingadayan ha Philippine-US 2+2 Ministerial Dialogue nga ginbuhat ha Kampo Aguinaldo nga gin atenderan naman nira US Secretary of State Anthony Blinken ngan US Defense Secretary Lloyd Austin.
Ine in an pagpapadig-on han usa nga maiha na nga alyansa ngan makabag-o nga alyansa, amu an: Pagpapakusog han Resilience han Ekonomiya para ha usa nga Mainuswagon ngan Sustainable nga kabubwason; Pagsigurado ha Pagrespoto ha Rules-Based Order ha Indo-Pacific; ngan an Pamumuhunan ha People-to-People Ties.
Partikular nga ginhingadayan an istoryahon ha pandepensa ngan economic cooperations, regional peace, stability, ngan pagsunod ha International Rules Based Order.
Utro nga gintagan-duon nira Blinken ngan Austin an Mutual Defense Treaty in kaso nga umabot ha armado nga pag-atake kontra ha bisan anu nga armado nga pwersa, sarakyan nga panhimpapawid, ngan pampubliko nga sarakyan pandagat han nasud – kaupod na an mga barko ngan an coast gurad ha parte han West Phil Sea.
