Humitaas na ha kabug-usan nga 3,342 ka-tawo an namatay ha umigo nga magkasunod nga makusog nga linog ha Venezuela.
Basar ha datos nga ginpagawas han Venezuelan information ministry dida han Dominggo, umabot na gihapon ha sobra 16,000 nga indibidwal an ihap han nasamaran samtang nahitaas pa ha sobra 17.000 katawo an nawarayan hin balay.
Samtang, gindepensaran naman ni interim Pres. Delcy Rodriguez, an ginbuhat nga mga pitad han gobyerno kasunod han umigo nga magkusog nga lino ha butnga han nagtitikagrabi nga pagsukna kontra ha ira ha daw pagkadelatar ngan dire insakto nga pagresponde ha sakuna.
Sumala kan Rodriguez, dayon hira nagdeploy hin security forces ngan ginanunsyo an pagbug-os hin bag-o nga military unit agud bumulig ha pagbaton ha mga emergency ngan sakuna.
