NATIONAL–Narekober an 4 pa ka lawas han Martes, ika 17, ha dive site kun diin nalunod an MV Trisha Kerstin 3 harani ha Baluk-Baluk Island ha Basilan.
Kanit hine, umabot ha 62 an kabugusan nga ihap han mga naawat hin kinabuhi.
Sumala ha mga otoridad, kalakip ha mga narekober kay an duha ka lalaki ngan duha ka babayi. Waray pa ginpagawas an ira mga indentidad samtang ginbubuhat an beripikasyon ngan pakikig-koordinar ha ira mga pamilya.
Syahan nga narekober an tulo ka lawas han ika 15 han Pebrero ngan usa pa han ika 16 han Pebrero tikang ha kaparehas nga lugar, kun diin nagpapadayon an diving ngan search para ha mga lawas han nalunod nga barko.
Nagpapadyon an search-and-recovery operations ha pangunguna han Philippine Coast Guard (PCG) ngan Philippine Navy, upod na mga lokal nga pangobyernuhan ngan pira ka boluntaryo, mahuman nga nalunod an barko ha kadagatan sakop hiton Basilan han ika 26 han Enero.
