INTERNATIONAL – Umapela an South Korean prosecutors nga pasakahan hin sirot nga kamatayon hi anay South Korean President Yoon Suk-yeol kasumpay ha kadali ngan pakyas nga deklarasyon han martial law dida han Disyembre 2024.
Dida han Martes, nahuman na an criminal trial ni Yoon nga nag-iha hin 11 ka-ors para ha insurrection, abuse of power ngan iba pa nga mga pagtalapas kasumpay ha iya deklarasyon.
Ha closing remarks, ginakusaran han prosecutors hi Yoon han pagigin ringleader han “insurrection” nga nagresulta ha pagkaruyag ha gahum para ha dictatorship ngan pan-ihaan nga pagmamangulo.
Ginakusaran gihapon han prosekusyon hi Yoon nga waray magpakita hin pagbasol ha mga aksiyon nga ginhimo niya nga nagbutang hin tarhog ha constitutional order ngan demokrasiya, klun diin an pinaka-biktima han insurrection in an mga molupyo han ira nasud.
Kanit hini, ginduon han prosekusyon nga waray mitigating circumstances an maikokonsidera ha pagsirot ha anay Presidente ngan lugod, kinahanglan in tagan ini hin mas mabug-at nga sirot.
Samtang nakatalaan naman igpalusad an desisyon han korte ha kaso ni Yoon ha Pebrero 19 han presente nga tuig.
