Parehas gin batikos nira Akbayan Party-list Rep. Perci Cendaña ngan Mamamayang Liberal (ML) Party-list Rep. Leila de Lima hi Vice President Sara Duterte mahitungod ha paglikay hini ha mga pagdungog han Kamara kasumpay han impeachment proceedings.
Ha iya pahayag han X, ginmalatumat ni Cendaña nga dire na nakakapausa an dire pag-atubang han Bise Presidente.
Samtang, ginsukna gihapon ni De Lima an baga-baga hin pagbabag-o han tindog ni Duterte, labi na ha nagin pahayag hini hadto.
Gin aghat ni De Lima an Korte Suprema nga dire tugutan an mga pitad nga pagkita hini in gingagamit agud makalikay ha pagbaton.
Iginduon gihapon hini nga an pagtitikang han impeachment proceedings in ada ha kapas han House of Representatives.
Bisan man kun dire pa niya nababasa an bug-os nga petisyon nga iginsalawad ha Korte Suprema, ginmalatumat ni De Lima nga an nasabi nga pitad in nagdudurot hin mga pamakiana.
Nag-ugat an mga pahayag ha padayon nga pagdungog han House Committee on Justice kasumpay han impeachment case kontra kan Duterte, kun diin gin iimbestigahan han mga magbabalaod an mga ebidensya agud matudlok kun mayda supresyente nga basaranan agud igpasaka an kaso ha Senado para ha pagdungog.
