NATIONAL– Nagsalawad hi anay Senador ngan presente Mamamayang Liberal Party list Rep. Leila de Lima hin letter-complaint kontra ha pira nga prosecutors mahitungod ha grave misconduct ngan gross ignorance of the law may paghisumpay ha iya apela agud padig-unon an pag-abswelto ha iya tikang ha kaso may paghisumpay ha ilegal nga droga.
Igin salawad han iya legal counsel nga hi Atty. Dino De Leon an nasabi nga reklamo ha
Department of Justice (DOJ).
Ha iya letter-complaint, gin hangyo han magbabalaod kan Justice Secretary Jesus Crispin Remulla nga imbestigahan hi prosecutor Ramon Bienvenido Ocampo kaupod an siyam nga iba pa nga piskal agud mapagbaton an mga ine ha ira nagin aksyon.
Iginduon ni de Lima nga igin padayon la gihapon han mga prosecutor an iya drug case bisan paman kun binawi na han anay Bureau of Corrections OIC Rafael Rago an iya testimonya sugadman an iginsalawad nga motion for reconsideration (MR) para ha pagpapawaray-sala haiya.
Nagpahayag gihapon hin bug-os nga kaandaman hi de Lima agud makigbinuligay ha nauman nga kinahanglan nga aksyon agud mapagbaton an mga dabi nga piskal.
