NATIONAL NEWS- Ginpailarom ha state of calamity ang an bug-os nga Davao Oriental mahuman an nagin serye han makusog nga linog ngan padayon nga aftershocks nga nagdurot hin duro nga danyos ha imprastruktura ngan pakabuhi han mga residente.
Ginkumpirma ine ni Director Ednar Dayanghirang, regional director han Office of Civil Defense (OCD) Region 11, kadungan han pamahayag nga padayon la gihapon an ira monitoring ha mga apektado nga lugar.
Labot la ha nasabi nga probinsya, nagdeklara gihapon hin state of calamity an bungto han Caraga, Manay, Tarragona, ngan Baganga.
Subay ha report, pira nga mga building ngan pasilidad an dire talwas nga gamiton mahuman an nagin pagbay-og samtang nagpapabilin naman nga naka-alerto an mga lokal nga awtoridad ha posibilidad ngan kadugangan nga aftershocks.
