Abuyon hi anay Iloilo 5th District Representative Niel “Junjun” Tupas ha nagin pitad han House Prosecution Panel nga dire na ig atubang an nasasalin hini nga mga testigos para ha Article 4 o Grave Threats ha impeachment trial ni Vice President Sara Duterte.
Ha panayam han Bombo Radyo, ginmalatumat ni Tupas, nga nagserbi nga lead prosecutor ha 2012 impeachment trial ni anay Chief Justice Renato Corona, nga sakto an nagin desisyon han prosekusyon mahitungod nga ha iya panlantaw, an Article IV an pinakamahinay nga parte han Articles of Impeachment.
Dugang pa hini, posible nga ginkokonsidera han prosecution panel an panawagan han pira nga opisyal nga dire na igdayon an presentasyon han iba pa nga testigos para ha Article IV.
Ginpahayag gihapon ni Tupas nga dire na kinahanglan umatubang ni National Bureau of Investigation (NBI) Director Melvin Matibag ha Hulyo 20, mahitungod nga nailatag na han duha nga testigos tikang ha NBI an nagin imbestigasyon han ahensya kasumpay ha gin aalegar nga grave threats ni Vice President Sara Duterte kontra kanda Pangulong Ferdinand Marcos Jr., First Lady Liza Marcos, ngan anay House Speaker Martin Romualdez.
