TACLOBAN CITY – Maabot 1,031 nga mga parag uma tikang ha magkalainlain nga bungto ha Leyte iton nakakarawat na han ira certificates of land ownership award (CLOAs) tikang ha Department of Agrarian Reform (DAR).
Kaupod na dinhe an mga parag-uma tikang ha bungto han Alangalang, Barugo, Burauen, Capoocan, Carigara, Dagami, Jaro, Kananga, ngan Pastrana.
Sumala kan DAR secretary John Castriones nga an mao nga panhatag hin mga titulo in usa nga indikasyon nga mayda pagtagad an gobyerno ha mga parag-umaha ilarom han administrasyon ni Presidente Rodrigo Duterte.
Dugang pa ni Castriociones nga magpapalusad liwat an ira opisina hin usa nga administrative order yana nga semana para makapanhatag liwat hira hin lote ha mga graduates han agriculture-related courses ngan kaupod na an mga uniformed personnel, aktibo man o retired na.
Iglalakip gihapon ha mao nga programa an mga rebel returnees nga pwede makagtag iya hin tuna nga kutob tres ektarya.
Target daw han administrasyong Duterte nga maipanhatag an maabot 700,000 kaektarya hin tuna an nakatalaan ipanhatag ha mga parag-uma kun diin hapagkayana in maabot na 124,648 kaektarya an ira napapanhatag hapagkayana ha maabot 103,450 nga mga parag-uma.
