Nagpahimatngun an United Nations nga posible umabot ha $3.6B an magigin epekto han Ebola outbreak ha ekonomiya han Africa ngan magdurot hin pagkawara hin sobra 328,000 nga trabaho kun dire dayon mapupugngan an pagsarang han sakit.
Sumala ha UN, an pagsarang han “Bundibugyo strain” han Ebola, nga waray pa aprubado nga bakuna in posible magresulta hin dako nga krisis.
Basar han datos han Democratic Republic of Congo, maabot na ha 1,307 katawo an natapnan hanh sakit ngan 377 an namatay tikang han igdeklara an outbreak dida han Mayo 15.
Basar ha tulo nga senaryo nga ginlatag han UNDP, ginbabana-bana nga maabot ha $1B an magigin danyos ha gross domestic product han Congo kun magpapabilin nga kontrolado an outbreak ha Congo ngan Uganda.
Ha pinaka-grabi nga sitwasyon, kun masarang an Ebola ha iba pa nga mga nasud sugad han Rwanda ngan Angola ngan madungan ha paghitaas han presyo han lana durot han krisis ha Iran, posible umabot ha $3.6 bilyon an mawawara ha ekonomiya han Africa ngan ginatos-gatos nga trabaho an mawawara.
