TACLOBAN CITY – Gin tikangan na pagpatuman ha bug-os nga nasud an “Damayang May Malasakit para sa Kapulisan,” o Damayang Otso, ngan yana in tatawagon na nga LAB Virus Program: Love and Blessings Spreading Love in Every Touch.
An nasabi nga programa in syahan nga ginpatuman ha Sinirangan Bisayas ni anay Regional Director ngan yana in Philippine National Police Chief PGeneral Rommel Francisco Marbil.
An programa in nabulig ha mga kapulisan ngan non-uniformed personnel (NUP) nga nag-aantos tikang ha mga grabe nga sakit sugad han cancer.
Bumisita naman dida han nakalabay nga Hwebes ha Police Regional Office 8 hi Mary Rose Marbil, misis ni PGen. Marbil, ngan tagmangulo han PNP Officers Ladies Club Foundation Inc., kaupod an mga opisyal han PNP OLC, kun diin ginpangunahan han mga ine an paghahatag han pinansyal nga bulig ha mga kapulisan ngan NUP nga mayda gin-aabat nga grabe nga sakit.
Dako naman an pasasalamat han mga benepisyaryo ha nasabi nga programa mahitungod nga dako an nahibubulig hine agud maibanan an ira pamroblena ha ira mga kagarastusan ngan pagpapatambal.
Ada ha 16 nga mga kapulisan ngan non-uniformed personnel (NUP) an nakakarawat han pinansyal nga bulig tikang ha PNP Officers Ladies Club.
