TACLOBAN CITY – Nakonsolidate na an nagin distroso han naglabay nga bagyong Paeng kun diin nakarawat na han opisina han Department of Agriculture an nagin kabug-usan hine.
Sumala kan Ruby Calesterio, Science Research Specialist han Department of Agriculture 8, nakuha na han ira opisina an kabug-usan nga nagin danyos han bagyong Paeng pero kanan crops ngan livestock pa la ine mahitungod nga igkokoordina pa nira ha BFAR an parte naman han fisheries.
An para han livestocks ngan crops kaupod na an irrigation in maabot ha P143-M an naging danyos han bagyong Paeng dinhi rehiyon 8.
Para han bug-os nga total damage han hektarya ha rehiyon, in maabot ha 374 hectares an nagin damage hine. Ha humay naman in maabot ha 169 hectares an nagin damage, ha mais in 23 hectares an naguba, ngan an mga cassava naman in maabot ha 37 hectares an totally damaged.
Para naman han high-valued crops in maabot ha 74 hectares an damaged, maabot naman ha 1,000 heads nga livestocks an damaged han Tropical Storm Paeng dinhi ha rehiyon.
