TACLOBAN CITY- Balik-normal na an dalagan han trapiko ha downtown area hiton syudad han Tacloban City.
Sumala kan Restituto Reglos Operation and Enforcement Officer han Tomeco, ira ginbalik na an one way nga ginpatuman labi na ha mga pakadto nga dalan ha mga eskwelahan.
Ginmalatumat hine nga han nakalabay nga bulan in ira anay gin-undang an nasabi nga one-way matungod han pagsalin-urog han holiday season.
Dugang pa hine, ha pagkayana ira ginpapasabot ha mga drivers, nga ginbalik na an anay one way nga pag-agi han mga sarakyan, pakadto han mga unibersidad, inkaso nga mawurok ngan may mga pamakiana an pira nga mga drivers.
Naghahangyo naman ine hin kooperasyon ha mga drivers nga makig-kooperar matungod nga ginbug-os ine nira agud nga makabulig ha mga estudyante ngan magtratrabaho ha oras hiton ira sulod.
