Gin kwestyon han pira nga kritiko an dako nga pondo nga gin alutaga han Department of Health (DOH) para ha pagpapadara han 14 nga delegado ha 78th World Health Assembly sa Geneva, Switzerland tikang Mayo 15 kutob Mayo 25, 2026 nga umabot ha sobra P5 milyon.
Subay ha report, sagot han gobyerno an ngatanan han gastuson ha biyahe kalakip an pre-departure expenses, round-trip airfare ng mga opisyal.
Kaupod ha mga gintudlok nga delegado hira Undersecretaries Albert Francis Domingo ngan Gloria Balboa; Assistant Secretaries Mylene Beltran ngan Maria Kristina May Marasigan, ngan pira nga mga doktor.
An pagkakagastos ha nasabi nga biyahe in nakakuha hin reaksyon tikang ha pira nga sektor, partikular na mahitungod ha mga nagpapadayon nga problema ha pampubliko nga panlawas ha nasud sugad han kakulangan ha mga medisina, kama ha ospital, ngan ihap han mga health workers.
Gin kwestyon gihapon han mga kritiko an pagigin produktibo han delegasyon ngan an nagtitikadamo nga ihap han overseas travels han buhatan han ahensya.
Basar ha mga nauna nga notisya, nagpailarom na gihapon ha imbestigasyon han Senado an susrunod nga biyahe ha iba nga nasud ni Health Secretary Teodoro Herbosa.
Samtang, gintudlok hi Atty. Brigida Romualdez-Aquino kumo Officer-in-Charge (OIC) han ahensya samtang aadto ha Europa an mga hagtaas nga opisyal.
