TACLOBAN CITY – Padayon an mga pitad han Department of Agriculture (DA) Regional Office 8 may paghisumpay han hinabang para ha mga benepisaryo han Balik Probinsya Beneficiaries ngan returning Overseas Filipino Workers (OFWs) ha rehiyon.
Sumala kan Angel Enriguez, Regional Director han DA 8, partikular nga ira gintutukan ha pagkayana an first batch han Balik Probinsya program kun diin 20 ha mga ini an nagpahayag hin interes nga makatagamtam han programa han DA.
Dugang pa han mao nga opisyal, mayda hira ginsusunod nga proseso para han mao nga programa kun diin una anay nga nagdudumara hira hin profiling para masabtan kun ano an karuyag nga bulig han usa nga benepisaryo.
Mahuman an profiling in dayon liwat na makikipagcoordinate ha municipal agriculturist o di man ngani ha concerned agencies para hiton pwede nga maihatag nga assitance ha recepient.
Ginsisigurado gihapon han DA nga mapailarom anay ha training an mga benepisaryo san-o nga matagan hin hinabang o livelihood assistance.
