NATIONAL – Nagharampang ngan nagkasarabot na an Department of Agriculture ngan mga stakeholders ha industriya han baboy nga mas himuon nga strikto an implementasyon han maximum suggested retail price ha mga ginbabaligya nga produkto han baboy ha mga mercado.
Ini in mahuman nga magbuhat hin inspeksyon an departamento ha pira nga dagko nga mercado kun diin, naobserbahan han mga opisyal han ahensya an hamubo nga compliance han mga retailers ha nasabi nga MSRP.
Sumala kan USec. for Livestock, Dante Palabrica, an kamanduan in may panuyuan nga malikayan an mas damo pa nga implementasyon han mga interventions nga possible makaruba ha presyuhan han mga basic comoodities ha mga mercado.
Samtang kinahanglan gihapon sundon an mga natudlok nga MSRP agud magpabilin nga balanse an halin han mga producers, traders, retailers ngan consumers labi na ha luyo han ginkakaatubang nga inflation.
