-- Advertisements --
NATIONAL NEWS– Nanawagan hi Agricultural Secretary Francisco Tiu Laurel nga ibanan hiton Japan an taripa nga ginpapatuman ha mga saging nga tikang ha Pilipinas.
Mababaruan, usa an Japan nga may pinakadako nga merkado ha nasud, pero dako gihapon an ginhahatag nga taripa kun diin naabot ine hin 18%.
Nasusubay ha Japan-Philippines Economic Partnership Agreement (JPEPA) nga kinahanglan ada la ha 8 percent an pwede nga ighatag nga taripa.
Dugang pa hiton opisyal, nga an pag-iban hiton taripa in makakabulig ha mas dako nga investment ha mga manufacturer hiton saging ha nasud.
Nagalalaom naman an nasabi nga opisyal nga papamatian hiton Japan an hangyo han ira buhatan para mapahamubo an taripa.
