NATIONAL – Kumpyansa an Department of Agriculure nga mahamubo yana nga tuig an ihap han rice imports ha nasud.
Sumala ha ahensya, ini in mahitungod na gihapon ha marig-on nga supply han lokal nga produksyon han humay.
Ha usa nga pahayag in ginmalatumat ni DA Spokesperson Assistant Sec. Arnel de Mesa, yana nga tuig in aada ha 3.8 kutob 4M metric tons an ginangkat nga bugas yana nga tuig.
Mas hamubo an ihap na ini kumpara ha ginangkat nga bugas dida han nakalabay nga tuig nga umabot ha 4.8 metriko tonelada.
An paghamubo na ini in kaparehas hin 804,347 metric tons ha volume han imported rice.
Natuo naman an opisyal nga yana nga tuig in makakabaw ha harvest an mga lokal nga parag-uma ha nasud mahitungod ha maupay nga produksyon han humay yana nga tuig.
