NATIONAL – Kumpiyansa an Department of Agriculture nga magtitikang na nga humamubo an presyo han galunggong yana nga human na an fishing ban ha kadagatan nga sakop han Palawan.
Sumala kan Agriculture Spokesman Asec. Arnel de Mesa, nga kun umulpot na an mga last nga batch han isda tikang ha Palawan in mahamubo na an presyo han isda nga galunggong.
Eksplikar pa hini nga kadam-an han suplay han galunggong in tikang ha Palawan nga sakop han fishing ban.
Manunumduman nga ginpatuman an fishing ban tikang November 1, 2024 kutob February 1, 2025.
Basar ha pag-aram, maabot ha 8,146 metriko tonelada an nadadakop nga galunggong ha Palawan kun diin dako an nabubulig han mga ginpapatuman nga fishing ban ha nasud ha paghitaas han ihap han nadadakop nga isda.
Samtang, waray naman ginmalatumat han DA kun pira an ighahamubo han presyo han galunggong ha merkado.
