-- Advertisements --
NATIONAL – Magbubuhat hin imbestigasyon an Department of Agriculture (DA) mahitungod ha nakarawat nira nga impormasyon nga guti-ay la an nasunod ha iginpapatuman nga Maximum Suggested Retail Price (MSRP) ha mga karne han baboy.
Sumala kan DA Assistant Secretary Arnel de Mesa, mayda la 20% ha 170 nga retailers an nasunod ha gintudlok nga MSRP.
Pinaagi han nasabi nga MSRP, gin-aaghat nira an mga retailers nga magbaligya hin diri mahitaas ha 380 ka-pesos kada kilo ha mga liempo, samtang an mga pigue ngan ham in diri angay humitaas ha 350 ka-pesos kada kilo.
Manunumduman nga iginpatuman an MSRP mahuman an padayon nga paghitaas han presyo han mga karne han baboy ha nasud.
