-- Advertisements --
NATIONAL – Ginsigurado ni Department of Agriculture Sec. Francisco Tiu Laurel Jr., nga sobra-sobra an suplay han National Food Authority rice ha ira mga warehouse.
Kinahanglan na nira nga magpagawas hin 1,000 tons kada adlaw agud maigaws an mga suplay han NFA ha October.
Pero, pag-ulpot han November in hihimuon nga tag-2,000 tons an igpapagawas samtang ha December in 3,000 tons kada adlaw.
Importante para kan Laurel an mga programa nga pagbabaligya hin barato nga bugas agud maipagawas an bugas han NFA.
Samtang, dugang pa hini nga ini gihapon an solusyon agud mapalit nira an mga humay han mga parag-uma nga gin-harvest nira yana.
