NATIONAL- Kumpyansa an buhatan hiton Department of Agriculture nga magpapabilin nga hamubo an presyo han sibuyas ha mga merkado yana nga holiday season.
Subay ha ahensya, hapagkayana ada ine ha ₱300 kada kilo an presyo han pula nga sibuyas ha pira nga mga merkado ha Metro Manila.
Ginmalatumat ni DA Spokesperson Assistant Secretary Arnel de Mesa, mayda dako nga volume han imported nga sibuyas an nakatalaan nga umabot ha nasud ugsa an kapaskuhan.
Ha kabug-usan mayda ine volume nga 56,000 metric tons han sibuyas nga gintagan hin permiso para ig-angkat, ha pagkayana in 11,000 metric tons pala an aktwal nga nakaka-abot ha nasud.
Matungod dinhe, padayon nga ginbabantayan an pagsulod han nasasalin nga parte han ig-aangkat nga sibuyas.
May posibilidad naman nga an presyo han sibuyas ha mga merkado nga humamubo ngan magin abot-kaya para ha mga konsumidor ngan ginlalauman nga madalagan ine ha ₱120 – ₱150 kada kilo.
