NATIONAL–Ginmando han Department fo Agriculture an temporary nga pagsuspendi ha dpagdistribwer hin fertilizer tikang ha 5 supplier mahuman nga makakarawat hin eklamo kasumpay ha kalidad han ira mga produkto.
Sumala kan Agriculture Secretary Francisco Tiu Laurel Jr., nagbuhat na hin imbestigasyon an ahensya kontra ha mga kumpanya nga mayada kontrata ha gobyerno kun diin ginaalegar ga makikipagbulig an DA ha Fertilizer ngan Pesticide Authority agud nga kitaon kun napasar ha mga aludayday han gobyerno an mga ginhatag nga fertilizer.
Gintagan hin duon han kalihim nga dire makakrawat nga maghatod hin substandard nga produkto ha mga supplier bisan nga ginhahatag han gobyerno an presyo nga ira gin-offer ha bidding.
Ilarom han direktiba, ginpa-freeze anay an ngatanan nga fertilizer stocks tikang ha mga ginmalatumat nga suppliers hasta nga tagan hin clearance han Office of the Secretary.
Samtang, ginmando naman an ngatanan nga kawani han gobyerno han DA nga magpasa hin report ha mga naka-stock nga deliovery, presente nga transaksyon, ngan dokumento nga kasumpay hine agud nga igpadagmit an maupay nga panginginano.
Samtang, waray pa gintudlok han ahensya an eksakto nag detalye han mga reklamo, pero ginmalatumat han DA nga parte ine hin mas mahugot nga pagbabantay ha kalidad han farm inpouts nga gingagamit han mga parag-uma ha butnga han nahitaas nga gasto ha produksyon.
