NATIONAL – Aminado an Department of Agriculture nga possible nga sumaka an presyo han karne nga baboy ha nasud ha pagsulod han bulan han Disyembre in labi na nga nagtitikahirani na an kapaskuhan.
Sumala ha ahensiya, possible nga umabot ha P5 kutob P10 an magigin paghitaas han presyo ha karne han baboy pagulpot han bulan han Disyembre.
Nahitaas mangud an mao nga demand ha nasabi nga produkto kun nagtitikahirani an pasko ha nasud.
Kadaras-an ini natatabo kada holiday ngan nagpapadayon kutob ha bag-o nga tuig.
Ha pagkayana in nadalagan ha P320 an kada kilo han presyo han kasim ngan P370 naman an per kilo ha liempo.
Ginsigurado naman han National Federation of Hog Farmers ha molupyo nga magpapabilin nga sakto an supply han baboy ha nasud para ha tikaharani nga pasko ngan bag-o nga tuig.
