-- Advertisements --
TACLOBAN CITY – Diri la anay mag-iimport an Department of Agriculture (DA) Regional Office 8 hin pira ka-tonelada nga galunggong tungod nga harani na an peak season o summer season han produksyon hini.
Sumala kan Dr. Juan Albaladejo, Regional Director han BFAR Regional Office 8, may plano unta nga mag-import an DA hin 140,000 tonelada nga galunggong pero diri daw anay ini madadayon matungod harani na an season han produksyon hin isda labi na an galunggong.
Kaudgan nga ha summer tubtob September an peak season han pagdadamo han produksyon han mga isda ha Northern Palawan sugadman ha rehiyon otso.
Pananglitan naman nga humitaas an produksyon han isda ha nasabi nga mga lugar in mayda tsansa nga humabubo an presyo han mga ini.
