NATIONAL – Mahugot nga iginduduso yana han Department of Information and Communications Technology an paghibaro han ‘cyber hygiene’, dire la han publiko kundi labi na partikular ha mga kabataan.
Ine manggud an ira iginduduso ha kadam-an nga mahibaruan agud mas magin mahirot ha kada transaksyon ngan iba pa nga ginhihimo online nga kun diin in posible mayda dara nga kadelikaduhan ha usa nga indibidwal.
Iginduon mismo ni Secretary Ivan John Uy, ng Department of Information and Communications Technology (DICT) nga kinahanglan mahibaruan nga dayon han usa nga bata kun patiunan-o hine hihirotan an iya kalugaringon ha oras nga kumapot o gumamit na ine hin smartphone.
Pag eksplikar pa han sekretarya, an cyber hygiene in dire la technical skill kundi ine in maikokonsidera gihapon nga usa nga life skill nga importante nga maitutdo ha kabataan.
Samtang, ha pagsulod naman han syahan nga adlaw han Pebreo, utro nga naghatag hin pahimatngon hi Secretary Ivan John Uy yana nga love month.
Ine in kadungan han ginlalaum nga pagdamo pa han mga mahipapatik nga kaso han love scams nga mabibiktima han mga panguwat.
