Nahuman na an makasaysayan nga karera ni Cristiano Ronaldo ha FIFA World Cup mahuman mapirde an Portugal ha Spain, 1-0, ha Round of 16 nga ginganap ha Arlington, Texas dida han Lunes.
An nag-uusa han nga goal in tikang kan Mikel Merino ha siyahan nga minuto han second-half stoppage time, nga naghatag hin dalan ha Spain agud makasulod ha quarterfinals.
Mahuman an urhi nga pito, waray kapugngi ni Ronaldo an emosyon ngan napaluha samtang ginpapalakpakan han mga fans ha sakob han AT&T Stadium. Ha edad nga 41, naghuman an iya World Cup career nga may kabug-usan nga 27 appearances, ikaduha nga pinakadamo ha kasaysayan, kasunod hi Lionel Messi.
Ugsa pa man an mulay, ginkumpirma ni Ronaldo nga ini na an iya urhi nga World Cup. Hiya, kaupod hi Messi, an player nga nakagmulay ha unom nga edisyon han torneo, ngan hiya an kauna-unahan nga nakapuntos ha unom nga magkakaiba nga World Cup.
