NATIONAL – Gindumara kakulop nga adlaw an pinakasyahan nga courtesy visit ni Philippine National Police (PNP) Chief PGen. Nicolas Torre III ha Commission on Human Rights (CHR) ha nagin flag ceremony ha komisyon, kun diin ine an pinakasyahan nga hepe han Pambansang Pulisya nga bumisita ha nasabi nga ahensya.
Panuyo han pagbisita han hepe ha komisyon nga tagan hin pagklaro an iya mga nagin direktiba kasumpay ha padamu-ay hin dakop ha mga han-ay han kapulisan kumo basaranan han ira performance ngan agud makakuha hin mga promosyon.
Utro nga nagdig-on hi Torre nga an trabaho han kapulisan in mandakop ngan man-aresto hin mga kriminal ngan igpabilin nga mahimyang an kakarsadahan ha nsaud labi na ha mga kumunidad.
Sanglit, usa nga dako nga development kun maikokonsidera an nagin pagbisita han PNP ha komisyon agud maipakita nga nakikiusa hira nga maproteheran an mga katungod-pantawo han mga residente nga Pilipino.
Nagpasalamat naman an hepe ha komisyon para ha pirme nga panginano hine ha ira organisasyon ngan kumo ira partner ha pagsisiguro nga an ngatanan han ira ginhihimo hin nasusubay ngan dire pagtalapas ha balaod, labi na ha mga katungod-pantawo.
Samtang, ginkilala namna han CHR an mga inisyatibo ni Torre ngan nagpatapod nga susuportahan ngan makikigbinuligay para ha implemenstastyon han warrantless arrest.
Sumala pa kan CHR Chairperson Atty. Richard Palpal-Latoc, suportado nira an trabaho nga ginbubuhat han mga kapulisan—an proteheran an seguridad han mga kumunidad ngan pagsigurado nga talwas an mga residente nga ginbubug-os hine.
Dugang pa hine, samtang waray natatalapas nga mga balaod an mga kapulisan ha pagtuman han ira mandato in padayon nira nga susuportahan an nasabi nga direktiba ni Torre.
