NATIONAL NEWS– Napahinumdom ha kapulisan hi Philippine National Police (PNP) Chief PGen. Rommel Francisco Marbil nga igpabilin an kahimyangn ngann seguridad han publiko ha adlaw hiton piniliay ngan magpabilin gihapon nga neutral ha nasabi nga adlaw agud nga magin pokus an mga ine ha ira mandato nga trabaho.
Ine in alinsunod la gihapon ha nagin panawagan ni Pangulong Ferdinand Marcos Jr. nga himuon nga magin malimpyo ngan hapsay nga piniliay yana nga tuig.
Dugang pa ni Marbil, duha la an pangunahon nga misyon han PNP kada nagkakamayda hin eleksyon, una siguraduhon nga talwas an mga botante ngan an publiko ngan an ika-duha naman in igpabilin an neutralidad han ira han-ay agud malikayan nga mahidabi an mga ine ha away-pulitika.
Ginmalatumat pa hine nga an trabaho hiton kapulisan in agud nga magsirbisyo dire para ha politika lugod in magserbisyo ha publiko ngan demokrasya han nasud.
Ginatagan gihapon hin duon ni Marbil nga an hino man nga pulis an madadabi ha partisan political o magkamayda hin mga partisipasyon ha politika in dayon nga papasakahan hin kaso nga administrative cases ngan posible gihapon nga matanggal ha serbisyo.
