-- Advertisements --
TACLOBAN CITY – Ginpahayag han pamunuan han Eastern Visayas Regional Medical Center (EVRMC) nga punuan na ha pagkayana an COVID-19 ward han ira ospital tungod han padayon nga paghinitaas han kaso han mao nga sakit ha rehiyon.
Sumala kan Atty. Rodolfo Peñalosa, Information Officer han EVRMC, ha pagkayana in 125 na an mga pasyente nga naka-confine ha Magsaysay COVID-19 ward.
Ini in haros upat kabeses nga mas hitaas ha 37 bed capacity han mao nga ward.
Tungod han hitaas nga ihap han mga pasyente in haros dire na naaakos han mga nurses an pag-atender ha mga ini.
Ha pagkayana in may mga nurses ngan doktor gihapon nga nagpakaisolate ngan nagpositibo ha COVID-19 sanglit nakakaeksperyensya hin kakulangan ha manpower ha COVID-19 ward an EVRMC.
