TACLOBAN CITY – Kumo baton ha nagpapadayon nga paghitaas han presyo hiton lana ha world market durot han padayon nga tensyon ngan gyera ha middle east, naghaon hin usa nga resulosyon hi Hon. Marty Romualdez nga may panuyuan nga bantayan an presyo han mga pangunahon nga papliton ha syudad.
Sumala kan Councilor Romualdez, usa ha mga ginkakaatubang yana nga panahon an paghitaas han presyo han lana nga may-ada direkta nga epekto ha transportasyon, produksyon, ngan distribution costs. Mahitungod hini, posible nga mas humitaas pa itun presyo han mga pangunahon nga papliton ha merkado sugad hiton mga pagkaon ngan iba pa nga goods and commodities nga kinahanglan ha kinada adlaw nga panginabuhi.
Pinaagi han igin haon nga resulosyon, nagtutu-o hi Councilor Romualdez nga mababantayan an mga presyo han papliton labi na ha mga basic necessities ngan prime commodities ha syudad agud masiguro nga nagpapabilin nga matadong ngan nasunod ha balaod ngan regulasyon an ngatanan.
Igin suhestyon gihapon ha nasabi nga resolusyon nga an mga gintutuinan nga opisina in maghihimo hin mga pitad agud masulosyonan an epekto han padayon nga paghitaas han presyo han lana ug maiwasan an diri matadong nga pagsaka han presyo han mga papliton ha syudad.
Dugang pa hini, an mao nga pitad in kaparte ha padayon nga pagpupursige han lokal nga panggobyernohan nga maproteharan an kaupayan han mamaralit ug mapabilin an price stability ha syudad.
Gin tagan duon pa ni Councilor Romualdez nga ha butnga han nagpapadayon nga ayat durot han pankalibutan nga sitwasyon, importante nga mas maging vigilante an local na panggobyernohan agud masiguro nga naaatimaran an mga panginahanglan han mga Taclobanon.
