NATIONAL NEWS– Ginbawi na han House quad-committee (quad-comm) an contempt ngan detention orders nga ginhaon kontra kan anay presidential spokesperson Harry Roque, kalakip ha asawa hine nga hi Mylah ngan anay presidential adviser Michael Yang.
Opisyal ine nga ginhuman pinaagi hiton special joint panel an 11-ka bulan nga imbestigasyon han aid of legislation.
Kalakip ha gintangal an contempt ngan detention order kontra kanda Police Colonel Hector Grijaldo ngan Senior Police Officer 4 (SPO4) Arthur Narsolis.
Una na nga ginpanawagan ni Abang Lingkod Party-list Rep. Joseph Stephen Paduano usa ha 4 nga co-chairmen han quad-comm nga kinahanglan nga tangalon na an contempt ngan detention order kay Roque ngan iba pa.
Gin-abuyunan ngan gin-aprubaran naman hine ni quad-comm overall chairman, Surigao del Norte 2nd district Rep. Robert Ace Barbers.
Mababaruan, nga nagtikang an pagbug-os han quad-comm para pagkonektahon an mga Philippine Offshore Gaming Operators (POGO), extrajudicial killings (EJKs), money-laundering, illegal drugs, ngan an madugo nga pagkontra ha droga ni anay Pangulong Rodrigo Duterte.
